Zu zara nagusia

20051214

Ez doa txarto kontua

Denbora pasa da lehenengo eta azken artikulutxoa idatzi nuenetik, hiru partida hain zuzen ere (hemen denbora partida edo jardunaldien arabera neurtzen da eta); bederatzi puntu jokoan eta bost patrikaratu ditugu, horrela jarraituz gero (hiruko formula erabilita), 38 puntu batuko genituzke denboraldia amaitu bitartean, hau da, 50 puntu guztira. Ez dago txarto. Lehen mailari eutsiko genioke, eutsiko diogu. Baina atzera begira jarrita, Clementek argi samar daukala ematen du. Etxetik kanpo gudarako taldea zelairatu, kriston ahalegin fisikoa eginten duena, eta etxean erritmo handiko partidak planteatuko ei ditu. Espanyol, Mallorca eta Valentziaren kontrako neurketetan hiru gol alde (hirurak geldikako jokaldietan) eta bi kontra (bietan taldearen gabezirik nabarmenetarikoak agerian utziz: kontundentziarik eza eta taldearen gaztetasuna - nerabetasuna esango nuke edota hobeto esanda gaztekeria). Hala ere, baikorragoak gara orain duela hilabete bat baino. Zer aldatu da, bada? Alde batetik, entrenatzailea (jakina); bestetik, zaleon eta komunikabideen jarrera. Mendilibarrek Clementek zapatuan atera zuen taldea atera izan balu, belarriak odoletan edukiko zituen zaldibartarrak. Gurpegi euskarrien aurretik, Bordas hasierako hamaikakoan, Iraola ordezkoen artean, Orbaiz lekutik kanpo,....
Ezin amaitu nabil atzoko gertakari bat azpimarratu barik. Txalotzekoa izan da Valverderen jarrera (komunikabideen aurrean orain arte agertu ez izana) baina txalotzekoa era Bizkaia Irratia jokoan saioko Ramon Basalduaren lana; lehenengo elkarrizketa egin zion Ernesto Valverderi atzo, Athletic utzi zuenetik, hori meritua!, baita Gasteizko entrenatzailearena ere.

1 Comments:

At 11:46 AM, Anonymous pitxitxi said...

Ez doa txarto, ez, baina oraindik arazorik handiena konpontzeke daukagu: etxeko partiduak. Argi dago Athleticek etxetik kanpo badakiela zertan dabilen. Baina etxeko partiduak oraindik ere dingilizka dauzkagu. Egia da Atletico Madrileko aktoreen kontra ekipoa hobeto ibili zela, beste gogo bat erakutsi zuela, azken segundua arte borrokatuz erremontatu zutela, baina gola falta zaigu (etxetik kanpo, ostera, ez).
Eta beste kontu bat da Atletico Madrilen kontrako partiduaren kroniketan kirol kazetariek idatzi zutena! Berriakoa salbu, besteek Athleticen partidu txar bat ikusi zuten. Eta El Mundo Deportivoko buruargi batek idatzi zuena: Orbaizek gola sartu "y lo celebró como un loco". Zoroa Orbaiz? Bai, eta bera bezala gainerako guztiok ere, sinsangreren bat izan ezik!
Zapatuan Amabirjin barik baina Piruren eraginarekin, irabazi ala irabazi. Domekan BECen ospatu, eta gero azkar ibili, Zaragozaren kontra eguaztenean jokatuko dugu eta.
Horra hor nire iritzia, labur baina zehatz.
Lamikiz kanpora!

 

Post a Comment

<< Home